അമ്മേ...പേടിയാവുന്നു
രാത്രിയിരുളുമ്പോള്
വാതില് തുറന്നു നരി വരുന്നു
ദൈവങ്ങളെ വിളിച്ചു മൂടിപ്പുതച്ചിട്ടും
പമ്മി മണം പിടിച്ചെത്തി
പുതപ്പിനുള്ളില് നുഴഞ്ഞു കയറുന്നു
ഇനി വരുമ്പോള് ഒച്ചവെക്കൂ
പേടിക്കേണ്ട അച്ചനുണ്ടെന്നമ്മ
രാത്രിയിരുളി നരി വന്നു
ഒച്ചയുയര്ന്നു അമ്മ വന്നു
ഇരുളില് പുതപ്പിനുള്ളിലെ നരിയിറങ്ങി
രണ്ടു കാലില് നിന്നമ്മയോടെന്തോ ചൊല്ലി
അച്ഛന്റെ വാതില് തുറന്നു കതകടച്ചു
