സ്വര്‍ണ്ണ പ്രകാശത്തിന്‍ ഓളം തുടിക്കുന്ന നാഥാ ....
വിണ്ണിന്‍ കീഴിലെ മണ്ണിന്‍ മാറിലെ ഗാനം കേള്‍പ്പൂ നീ ....
പാരിടമാകെ കൂരിരുള്‍ വീഴും കാര്‍മുകിലിരുളുന്നൂ....
ഭൂതലമാകെ കൈതവം വാഴും താന്ധവമുയരുന്നൂ....
നീല വിണ്ണിന്‍ കീഴിലാകെ സാന്ത്വനമേകൂ നീ ....
പുലര്‍വെയിലിന്‍ പൂവെയിലില്‍ മൂളും ശോക ഗീതങ്ങള്‍ ....
പൂത്തമാവിന്‍ പുഞ്ചിരിയില്‍ പൂക്കും മൂക കാവ്യങ്ങള്‍ ....
നീല വിണ്ണിന്‍ കീഴിലാകെ സാന്ത്വനമേകൂ നീ ....
മഴവില്ലിന്‍ വര്‍ണ്ണത്തില്‍ വിടരും വിണ്ണിന്‍ താരങ്ങള്‍ ...
പൂവിതളിന്‍ പുലര്‍മഞ്ഞില്‍ പടരും മണ്ണിന്‍ മോഹങ്ങള്‍
നീല വിണ്ണിന്‍ കീഴിലാകെ സാന്ത്വനമേകൂ നീ ....
